الأربعاء، 18 فبراير 2009

الان...اختلاف الرأى يدمر للود كل القضيه.!!!


اختلاف الرأي لا يفسد للود قضيه مقولة ماثوره لا ننفذ منها شيئا ولا نعرف لمعناها بعدا.

ثقافة الاختلاف صريعة كغيرها لا نحترم الراى الآخر ولا نعرف ضوابط تبادل الآراء و النقاشات الموضوعية لا نعرف لها سبيلا.

لا يعرف عندنا سوى الفرض والقهر والمصادرة والمشادان والحجر على الراى الأخر.

وللأسف أكثرنا كذلك نشكو من القهر والتعسف قدر ما نشكو ونستجدى الحرية في الرأى ونحن ونمارسه كل يوم.

وما يؤدى بالقضية إلى منحى خطير هو أن الأطراف المتحاورة غالبا ما تتحسس سلاح الدين أولا ويشهروه ضد بعضهم ويبدأ كل طرف بان يلوى رقبة النصوص حتى تخضع لفكره وإخراج الآخر من دائرة الدين وتبشيره بالنار.

مع أن الطعن في تدين الطرف الآخر آخر ما يجب اللجوء إليه وحتى لا نلجأ إليه أبدا.

فهو مشهد قبيح جدا أن نرى كل من يختلف مع الآخر في رأى ما يلوح في وجهه بالجنة والنار كأول اختيار.

كيف يكون هذا أول ما نلجأ اليه فى الاختلاف؟؟؟!!!

ونرى كيف ان مدعون التثقف يدخلون الحوارات بتعصب ونية مبيته لعدم الاقتناع أو حتى الحياد فيبدأ النقاش وينتهي دون اى جدوى.

ولان النقاش غالبا لا يكون قائما على أساس البحث عن الحقيقة فنرى كل شخص متخندق ومتشرنق في معلوماته القديمة أيا كانت مدى صحتها فيكون أسيرا لها ويدافع عنها بكل استماتة لأنه فقط لا يقبل فكرة أن يكون الأخر على صواب.

ولنا في القران مثلا لو نعيه نغير طريقتنا تماما في دخول النقاشات والتمهيد لها..قال تعالى((فذكر إنما أنت مذكر لست عليهم بمسيطر))الغاشية وقال تعالى ((وإنّا أو إياكم لعلى هدى أو في ضلال مبين))سبأ

هذا القران الذي لا يشك في صحته أبدا ولا تشوبه اى شائبة يقول الرسول صلى الله عليه وسلم بامر من الله تعالى وهو يناقش المشركين الذين يعبدون الأصنام وكفرهم لا يخفى على احد (لعلى على هدى أو في ضلال مبين)

هذا هو الحوار الجاد الموضوعي. أن يدخل كل طرف الحوار متسلحا بعمله واعتقاده وإيمانه نعم ولكن لا ينكر أيضا احتمالية صواب الآخر. آو حتى الاشاره إليها.

قال تعالى((وَإِنْ طَائِفَتَانِ مِنَ الْمُؤْمِنِينَ اقْتَتَلُوا فَأَصْلِحُوا بَيْنَهُمَا فَإِنْ بَغَتْ إِحْدَاهُمَا عَلَى الأُخْرَى فَقَاتِلُوا الَّتِي تَبْغِي حَتَّى تَفِيءَ إِلَى أَمْرِ اللَّهِ فَإِنْ فَاءَتْ فَأَصْلِحُوا بَيْنَهُمَا بِالْعَدْلِ وَأَقْسِطُوا إِنَّ اللَّهَ يُحِبُّ الْمُقْسِطِينَ))الحجرات

هنا وصل الاختلاف إلى حد الاقتتال بالسيف لكنه لم يصل إلى حد الطعن في الدين

حتى القران الكريم سماهم "المؤمنين" ثم أصلحوا بينهما.

وفى موقف الإمام على رضي الله عنه في صفين مثالا ينهى الموضوع عندما سأله نفر من فريقه عن جيش معاوية قائلا: أكفار هم؟ قال: لا، من الكفر فروا، قيل: أمنافقون هم؟ قال: لا، إن المنافقين لا يذكرون الله إلا قليلاً، وهؤلاء يذكرون الله كثيراً، قيل: فمن هم إذاً؟ قال: إخواننا بغوا علينا.

حتى بعد وصول الأمر إلى القتال سماهم "اخواننا" ولم يتهمهم بالكفر ولا النفاق.

والآن نرى سيوف الطعن في الدين أول ما يشهر فى الحوار!!!.

هناك 26 تعليقًا:

ريمان يقول...

اول تعليييييييييق


حجززززززززززززز

ريمان يقول...

طيب


نحجز كمان التانى


غلاسه بقه


هق هق هق

ريمان يقول...

طيب

والتالته تابته بقه

يااااااالااااااااااااا

ريمان يقول...

السلاااااااااام عليكم

نبيل

بجد الله عليك

اولا عنوان الموضوع تحفه

وبجد فعلا معاك حق

لان مقوله اختلاف الراى لا يفسد للود قضيه دى مقوله ماتت وخلاص بقه المفروض نقرا لها الفاتحه


وبجد والله دى حاجه تحزن

الوقتى اما يدور اى مناقشات لازم تلاقى خناقات واصوات عاليه وشتايم وكمان كل واحد هيقوم يضرب التانى

انا شوفت الحاجات دى بنفسى والله

بجد بقت حاجه صعبه

تلاقى ناس مثقفين وناس متديين وتلاقى مستوى مناقشاتهم وحوراتهم زى الزفت


بجد موضوعك مهم جدا

انا اخر مره حضرت فيها اجتماع والله قولت لهم اما تتحلوا بآداب الحديث واداب الاختلاف ابقوا اعملوا اجتماعات

عشان بجد بيحصل مهازل

ربنا يهدى

dina يقول...

السلام عليكم اهل المدونه الكرام
بصراحه ان بحب اتكلم فى الموضوع ده
لانى حاسه انه مصيبه العصر
طبعا متفقه معاك فى اللى قلته
واللى فكرنى باللى حصل فى مجلس الشعب لما ضربوا بعض بالجزم
وده حصل بره كمان فى الهند اعتقد وكان ضرب للركب
بس عاوزه اقول حاجه
الموضوع محتاج مناقشه اكتر من كده شويه
عاوز ناخد مع نفسنا والناس براحه عشان نفهمهم ازاى نسمع كلامنا
ونسمع بنقول ايه ونسمع غيرنا بنقول ايه

حقيقى فى مشاكل كتير مش مشكلتها اننا نعرفها
لا مشكلتها اننا نعرف ازاى نحلها

كمان للاسف القدوه مش موجوده كتير فى حياتنا

يعنى ممكن تكون انت وانا بنعمل الغلط ده
وتلاقى الاب والام مثلا فى مشاكلهم بيغلطوا نفس الغلط وهما مش واخدين بالهم

وحتى مش بينصحوا اولادهم

ممكن حتى شيخ او حد بتعزه مش لازم يقربلك
وتلاقى بيختلف مع حد تانى باسلوب طبعا صعب
هتتطبع جواك طريقه من غير ما تعرف

ولما تعرف بجد حاول تغيرها
عن نفسى قريت فى الموضوع ده وحصل انى بعدها اختلفت مع صحبتى
ولما قعدت مع نفسى لقيتنى مش طبقت حاجه من اللى قريته

راجعت نفسى بعدها بجد

يعنى معلش طولت بس الموضوع مش بقعده واحده ولا بدرس واحد
ده عاوز مواظبه وتذكير دايما

وشكرا على الموضوع الجميل ده

حياة بلا روح يقول...

السلام عليكم

بارك الله فيك يانبيل

مناقشة واقعية و متميزة كالمعتاد


للأسف اصبح فعلا اختلاف الرأي بيفسد الود ويمكن ممكن تلاقي اصدقاءاو حتى اخوات لمجرد اختلاف الأراء ممكن يجعل بينهم عداء ومقاطعة .

في وقتنا الحالي يرى كل طرف انه يجب على الطرف الأخر لا يبدي رأي امام رأيه وانه لا يجب ان يناقشة او يعدل عليه او يضيف وجهة نظره وانه هو الصواب دائما بدون مرعاه لمشاعر الطرف الآخر واسلوب تفكيره الذي من الممكن ان يكون ايجابي وفعال اكثر من الطرف المسيطر على المناقشة .. ودائما عند المواجهة تتعالى الأصوات وتكيل الإتهامات و يتخذ الدين كسلاح لفرض الرأي حتى لو بالباطل ويبدأ طرف يفرض رأيه على الآخرين وتصل اتهاماته لهم في بعض الآحيان لدرجة انهم لا يؤمنوا بالله لأنهم ارادوا المناقشة فقط وابداء رأيهم .

للأسف يانبيل احنا بنفتقد لاحترام رأي الغير وحريته في التعبير واحترام تفكيره وبنجد الكثير من الجهلاءفي بيحاولوا يفرضوا ارائهم وبيفرضوا علينا تصديقها لوكانت باطل فنشأت اجيال تعتمد على اراء الغير اي ان كانت نتيجتها.


ومثل ماذكرت النقاش غالبا لا يكون قائما على أساس البحث عن الحقيقة .


كل الشكر والتقدير على المواضيع الهادفة .

دمت بكل سعادة

أطيب تحية

mohamed ghalia يقول...

والله معاك حق يا نبيل
الخلاف بقى موضوع خير محتمل
وبقى يفسد كل الود والله ناس بتقاطع بعض لإختلافهم فى مسألة فقهية
أو تعصبهم لرأى
يمكن ده لضعف الفكر عندنا الأئمة الكبار كان بينهم خلاف فى الرأى ولكن كانوا يفتون بأراء بعضهم
لأن هكذا حال العلماء
دمت بكل الود

semsema يقول...

فعلا معاك كل الحق يانبيل
موضوع الخلاف والتعصب للرأي بقي حاجة بنشوفها كل يوم علي شاشة التليفزيون وفي الجامعه وفي المواصلات ومع اصحابنا
كل واحد بقي مقتنع برأي ومعندوش اي تقبل لأي رأي يخالف رأيه حتي لو كان رأيه غلط
والنقد الهادف البناء ده معدش حد بيقبله واستبدلناه بالجدل العقيم الذي لا يثمر سوي المشاحنات والقطيعة
مش هكدب عليك احيانا بكون متمسكة برأيي جدا بس مش لدرجة اني لا اتقبل اي رأي اخر بالعكس والله بسمع اي حد بس مشكلتي اقتناعي برأيي بتكون كبيرة
واحيانا بيكون طرف الحوار الاخر معي معندوش اي قابليه انه يسمعني او يسمع رايي فبتشبث برأيي أكتر وأكتر
يارب ما اكونش من اللي تقصدهم في تدوينتك ههههههههه
دمت مبدعا في حوارك ونقاشك
تحياتي وعذرا علي التقصير في حق فوح الياسمين

Nabil يقول...

ريمان.....

منوره فى اول وتانى وتالت ورابع تعليق والله... ومنوره دايما

معاكى حق والله النقوله دى ماتت وانتهت من زمان يمكن اصلا عمرها مكان لها وجود تقريبا.

كله بيزعق ويعلى صوته واستفزازات وكلام لا يبودى ولا بيجيب

الله المستعان

اطيب تحياتى

Nabil يقول...

دينا...
اهلا بيكى الاول

هو فعلا الموضوع محتاج كلام كتير جدا جدا

بس انا مش اتكلمت ع الموضوع بشكل عام انا تكلمت على اننا اول ما نختلف بلاش نجر

الدين معانا ونحاول نثيت ان الطرف التانى غلطان فى حق دينه

ده اللى بتكلم عليه اننا كمرحله اولى بلاش نطعن فى تدين بعض من اول لحظه

وان شاء الله كلنا نذكر بعض بيه

وان شاء الله نتناقش فيه كتير

بس لازم الواحد الاول يقرر ان فى غلط بعد كده اى درس هايجيب نتيجه

شكرا ومناقشتك

تحياتى

Nabil يقول...

حياه.....

اهلا بحضرتك بجد بتضيفى كتير وببقى سعيد اما حضرتك تتفقى معايا

الموضوع ده بقى كبير اوى موضوع اتهام تدين الطرف التانى ده

وكل واحد يطعن فى فكر الطرف التانى بشكل مخيف

واحيانا بيصل للاحتقار ولاستفزاز

وشوفنا اللى حصل فى مجلس الشعب نواب يفترض انهم محترمين

وكبار جدا فى السن بيرفع" الجزمه" حاجه بجد مخجله.

بم ان دى تقريبا اول مره تحصل

يبقى احنا وصلنا لدرجه من عدم فهم ميكانيكية النقاش تبشر بكل الانحدار

الغريب ان حتى اللى بيشتكى من ان رايه مبيتسمعش هو كمان بيعمل كده

ربنا معانا

الف شكر لتعليق حضرتك ومناقشتكم الموضوعيه

وارق حيه

Nabil يقول...

محمد غاليه....

والله يامحمد ناس بيبقو اصحاب جدا واول ما واحد منهم يتجه اتجاه فكرى مختلف

يعنى حتى التانى مش مغارضه تماما بس مختلف معاه

بيقاطعوا بعض وممكن يبقوا اعداء كمان

مع ان فى تنوع واختلاف ايجابى ممكن يؤدى للافضل

مش شرط ننطبع كلنا زى بعض يعنى

Nabil يقول...

سمسمه...

اهلا اهلا اهلا بيكى تانى والله فوح الياسمين افتقدك

بس انت تنورى فى اى وقت طبعا

انت عارفه انت كلامك مظبوط بس اصلا ممكن نتمسك براينا بس يكون فى مجال لقبول الاخر

وبعدين كلنا بنعمل كده مش انت بس عشان كده بنحاول نتغير ^_^

بس بقى هو الاخطر اننا نتهم بعض بعدم التدين ده الخطير بجد.

يبقى مش مجرد تمسك .

وعلى فكره مينفعش الموضوع ده يطبق من طرف واحد لازم حل جماعى

لا انا المره دى الحقيقه اقصد اللى بيجرو الدين كسلاح فى وجه الطرف الاخر

انا وانت واللى زيينا من المتمسكين برايهم لسه هانيجى فى
تدوينه جايه ان شاء الله ^_^

دمتى بكل الود وكل تحياتى

محمود ابوالعزم يقول...

كلامك صح جدا
انت كده حرقت الموضوع اللي كنت هزله قريب بعنوان كفاية اختلاف
بس انت قلت كل حاجة
ربنا يحميك
شرفتني زيارتك لمدونتي
اتمنى تكررها تاني

الوان الحياة يقول...

السلام عليكم ورحمة الله وبركاته
كيفك اخي الصغير
ايه اخبارك انا الحمد الله تمام بس كنت منقطعة عن المدونة والرد علي التعليق بسبب عطل في خط التليفون ادي الي انقطاع النت
موضوعاتك ماشاء الله عليها وبتكتب كل موضوع والتاني بسم الله ماشاء الله عليهم في الجون
وعلي فكرة انا حذفت البلوج عشان العنصريه وعشان نحدش يزعل مني
بس فعلا الموضوع كده والسب ههو الي انا ذكرته والله يسامحه باقي مكان ماهو
بس اوعدك اني هاكتب موضوع قريب يعجبك

Nabil يقول...

محمود ابو العزم......

اهلا بيك منور يارب متكونش اخر مره

والحمد لله اننا متفقين

وبعدين اكتب انت كمان طبعا انت قصصك رائعه واكيد هاتكتبه بطريقه مميزه

وكلنا لازم نتكلم مفيش احتكار ولا حاجه فاتفضل اكتب وهاقراه عندك ان شاء الله

شكرا جدا على دعائك الطيب

وان شاء الله زائر دائم عندك

اطيب تحياتى وسلامى

Nabil يقول...

الوان الحياه.....

وعليكم السلام ورجمة الله وبركاته.

انا بخير الحمد لله وان شاء الله النت عندك يتظبط ويفضل شغال دايما عشان متغيبيش كتير تانى ^_^

شكرا ليكى جدا على كلامك الرقيق ويارب دايما عند حسن ظنك

الموضوع بقى بتاع البوست اللى نزلتيه

انا والله مش معارضك انك بتقولى عنصريه انا شايف فعلا ان فى بوادر لكده وكمان تصنيف الناس على الاساس ده

انا بس كنت مستغرب وبستنكر تصرفه مش اكتر

اما انت عرضتى الحقيقه اللى يزعل يزعل

ووالله الموضوع كان عاجبنى

ارق تحيه ليكى وسلامى

الوان الحياة يقول...

انا بيسعدني تشريفك وتعليقك علي المدونة حتي ولو مليون مرة
وانا مش زعلانه منك وعارفة قصدك والله من الاول بس انا حسيت اني الموضوع ممكن ياخد اكبر من حجمة فاحذفة

mahasen saber يقول...

نبيل اخويا الصغير النبيل الرائع

دايما مواضيعك من اجمل وافيد واعقل ما يكون

من اطفال الشوارع والتطرق ليهم والحديث باستفاضه عن مشاكبهم الى قضيه مهمه زى تقبل عقل وفكر الاخر
ومدى تعايشنا مع ده

بجد دايما مبدع ورائع يا نبيل

mahasen saber يقول...

نبيل طبعا متفقين انك اخويا الصغير
فعشان كده من عشمى فيك مش عايزاك تزعل منى انى قصرة فى زيارتى ليك فى الفتره الاخيره بس فعلا ظروف وخارجه عن ارادتى كمان
فارجو منك المعذره

وممكن تسيبلى تليفونك عشان ابقى اتطمن عليك سيبه اوفلاين

وخلى بالك من نفسك
سلام يا انبل نبلاء الدنيا قاطبتا

Nabil يقول...

الوان الحياه...

اخبارك ايه؟؟ يارب تكونى بخير

المهم حصل خير يا ستى والحمد لله انى راييى وصل من الاول

ومن زمان وانت كل موضوعاتك بتعجبنى والله

ومستنى برده الموضوع الجاى

كل تحيه وتقدير

Nabil يقول...

محاسن صابر.....

ربنا يكرمك يارب على كلامك الرقيق ده ان شاء الله دايما عند حسن ظنك

وطبعا متفقين انى اخوكى الصغير اكييييد

وكمان متفقين انك تشرفى تقولى رايك فى اى وقت يعجبك

وانا مش ممكن ازعل منك على فكره

ان شاء الله ظروفك تبقى كويسه وكله يمشى تمام

وارقم طبعا ممكن انت متطلبيش انت تامرى

وانا سيبته فعلا اوف لاين

وشكرررا ليكى جدا على اهتمامك ربنا يخليكى يارب

ارق تحياتى وتقديرى

Kiara يقول...

بقي مع ناس معينه بيفسد للود قضيه وبقي فاكرين النقاش حرب

ياريت فعلا البوست يكون رساله ان اي خلاف في الراي ملهوش دعوه بالود خاااااالث

Nabil يقول...

كيارا.......

منوره بتعليقك والله

يارب كل المضوعات بتاعت كل الناس تبقى رسايل وتوصل وتغير حاجه

نورتى ارق تحيه ليكى

Ganna Adel يقول...

كالعادة متفقين..كالعادة عندك حق..كالعادة الموضوع هادف..و كالعادة اسلوبك جميل :)
دمت بكل ود

Nabil يقول...

the girl in the mirror........

وكالعاده منورانى وكالعاده تعليقك انيق

وكالعاده مشرفنى الاتفاق معاكى

وارق واطيب تحياتى