هل كل المظاهر والمعطيات التي نراها يوميا تفيد حقا بان الذوق العالم قد تدهور وانحدر أم أن هذا شيء طبيعي في كل الأزمان؟؟.
إن ذوق المجتمع واختيار الجمهور لما يسمعه أو يراه وما يحكم عليه بالنجاح تعكس درجة رقى المجتمع من الجانب الثقافي وجانب التذوق.
الذي يقيس بدوره نجاح المجتمع من كل الجوانب.
فاذا كان في كل زمن له أبطاله من الزعنفة والمسفين وان كان الذوق العام يقاس بعدد وانتشار هؤلاء ونجاحهم وقيمتهم الاجتماعية.
فإننا و بلا شك نعيش أكثر الأزمان تدهورا للذوق والحس الفني .
لنأخذ الغناء بشكل خاص لأنه .
يصلك أينما كنت بطريقه أو بأخرى شئت أو أبيت ليس كالرسم مثلا.
ومن النظرة الأولى لشعر الاغنيه الموجودة حاليا فانه بشكل كبير في ادني صور الشعر من الردائه والسطحية والتفاهة ويصل به الحال بعض الأوقات إلى حد الوقاحة.
وان كان الكلام البليغ الراقي "موضة قديمه" ولا يدخل في اعتبارات التجديد فان هذا أيضا دليل على تدنى الذوق العام.
ونجد الناس تتحدث عن وهم كبير اسمه" الاغنيه الشبابية" ما هي الاغنيه الشبابية؟؟ وما صفاتها؟؟ وما كلماتها؟؟ تجتمع جميعا باختصار في السطحية .
لا يوجد أغنيه شبابيه و أغنيه رجالية وأخرى للمسنين لا يوجد شيء من هذا التصنيف .
وإنما هناك تصنيف واحد رئيس وهو أغنيه جيده و أخرى رديئة مع الأخذ في الاعتبار اختلاف الأذواق شريطة ان تكون أذواق!!!
و اما ما يسمى بالشبابي فحرى به أن يكون متعدد الثقافات ومتميز ومتجدد في إطار القيم والطابع الخاص الذي يميز مجتمعنا. لا إن يهبط إلى أسفل او يترنح على شظايا العولمة بين الشرق والغرب.
وقد بلغ التردي أقصى مداه حين تسلل هذا النوع من الإسفاف إلى أوساط المتعلمين
وباختصار" النجاح الذي بات يلاقيه شخص يتغنى" بالحمار" بات نذير خطر على بلوغ التدني أقصى مداه
هناك 34 تعليقًا:
طب نقول بسم الله ونحجز اول تعليق
ونحجز كمان التانى
هه
السلام عليكم
نبيل
معاك حق فى النقطه دى
عارف انا بستعجب والله من الجماعه السواقين اللى تلاقيهم مشغلين اغانى مش عارفه اوصفها بايه وماشين ع الطريق بسرعه رهيبه وهما مندمجين اوى مع الاغانى دى
والمغنى اصلا صوته زى الزفت ويا سلام بقى ع الكلمات
لا معنى ولا ليها مغزى ولا كلمات كويسه ولا اى شىء
ومعاك بجد اما قولت ان بعض الاغانى بتوصل كلماتها للوقاحه وفى كمان للقله الادب والاهانه
وانا بجد بحس ان اللى بيسمع الاغانى دى اكيد اكيد شارب حاجه
لان مستحيل انسان طبيعى يسمع القرف ده
لكن الوقتى بقى كل من هب ودب يطلع يغنى كل يوم تلاقى الف مطرب طالع يغنى وكل يوم الف كليب جديد والف اغنيه جديده وناس كده مالهمش لازمه اصلا ولا ليهم الحق انهم يدخلوا عالم الفن
كل اللى بيوصلنا هو تلوث سمعى وبس
بقولك ايه
مفيش احلى من الاناشيد
اه والله ميه ميه
بسم الله ..
اولا .. عودا حميدا أخى ونتمنى عدم الغياب مره اخرى .. افتقدناك اخى .
حفظك ربى .
ثانيا .. هى الاخت ريمان هتحجز القاعه بحالها ولا ايه ..؟!! ينفع كده ..؟!!
ثالثا .. البوست ده مالوش حل بجد ..
يعنى بقى اى حد يقول شعر واى حد يغنى
وخبط ورزع .. وزى ما حضرتك قولت ..
الغُنى بيوصل للواحد بطريقه او بأخرى .
فالحمدلله الذى عافانا من هذا كله ..
تقبل تحياتى اخى ..
والسلام عليكم ..؛؛
ريمان...
منووووووره طبعا المدونه فى الاول والتانى والتالت والالف حتى
ومعاكى حق طبعا... مش ممكن انسن طبيعى يسمع الكلام ده
ومع كده ناس كتييييييير بتسمعه
معقوله كل دول مش طبيعين؟؟؟
بجد غريبه
المشكله ان الناس ساعات بتفرض ذوقها ده علينا بشكل او بااخر زى ما قولتى
هو عالم الفن ده مبقاش ليه ابواب اى حد بيدخل عادى
ارق تحيه ليكى
الامير....
اولا:شكرا ليك جدا على سؤالك واهتمامك
بارك الله فيك
ثانيا: الاخت ريمان مش غريبه يعنى القاعه ليها فيها كتير من غير حجز والله وانت كمان
تعليقك منور مش المهم رقمه كام
ثالثا: الحمد لله على التفاق بيننا
والمشكله فعلا انه كده كده هيوصلك
.
تحياتى ليكى ودمت بود ودايما منور بزيارتك وتعليقك ان شاء الله
وعليكم السلام ورحمة الله وبركاته
السلام عليكم
يانبيل
طيب احجز السابع دايما متأخرة
ايه اخبارك واخبار الإمتحانات بالتوفيق إن شاء الله ييسر لك كل الخير
عندك حق الكلام البليغ الراقي "موضة قديمه" ..
يمكن التفاهة والإسفاف والسطحية انعكاس لسلوك المجتمع في ايامنا ..
تعرف انا كنت في الشارع وكان فيه محل مشغل اغنية واحد بيغني وبيقول كلام بتاع مدمنيين والبنات والشباب واقفين يغنوا عملت سرش على النت اتصدمت من كلمات الأغنية اسمها التوتوك اتسرق .. فلما مجتمعنا يتقبل اغنية زي ديه حتبقى بالنسبة له لو شخص اتغنى بأغنية الحمار قصيدة شعر تراثية ..
.. للأسف مجتمعنا انهار ..الناس فيه فقدت كل شئ الذوق والإحساس والعلم وقبلهم الدين ..
لأن مجتمعنا لو كان متدين زي ماهو ظاهر
ماكنش تقبل هيستريا التدني الثقافي المنتشرة في الأغاني وتقبل المطرب المدمن أو الكلمات الإيحائية بالإدمان والمعاكسات وغيرها من الملوثات السمعية والبصرية..
موضوع أكثررائع كما تعودنا بارك الله فيك وفي كل مايسطره قلمك من رقي هادف ..
دمت بكل سعادة
أطيب تحية
جميل يا نبيل جملتك اليى بتوصف الشبابى بمتعدد الثقافات ومتجدد
الله عليك وعلى عقلك وفكرك ربنا يحميك
وريمو الغاليه حبيبتى منوره التعليقات كعادتك يا ملاك البلوجر بحاله
شبابي ايه بس
طب والله ه ارحم من الشعبي
واللي بقينا بنسمعه بالاجبار في الميكروباصات والتكسيات
او في المحلات
وكلما كنت الاغنية كلمتها بذيئة كلما وزعت اكتر
"احنا بننتقم من نفسنا والله"
ربنا يرحمنا من اللي احنا فيه
ربنا يهدي الجميع
سلام
المشكلة مبقتش في قلة قليلة دلوقتي بتسمع الكلام ده
المشكلة ان العموم بقه هو الكلام ده
لما تلاقي مطرب بيحلف لحبيبته انه عمره ما هيرجعلها لو وقفت على اديها!!!
ومطرب لا يستحق لقب مؤدي حتى يطلع في اغنية يقول ابو امك !!!
والحمار.. والخضار.. والخيار.. والعنب ... الخ الخ الخ
المشكلة مش في الناس اللي بتغني
المشكلة في الناس اللي بتسمع وبتشجعهم يستمروا
تحياتي
انا حاسس انها مشكلة جيل بحاله
بس اللي بكتشفه والله ان الناس لما بيتقدم ليها حاجة كويسة بتحبها وبتعجب بيها
وان انتشار الحاجات التافهة دي مجرد محاولة لغشباع الفراغ الوجاديني اللي احنا بنعيشه
ايه الكلام الكبير اللي أنا بقوله ده
مدونتك جمية وهادفة بسم الله ماشاء الله
ربنا يبارك فيك
حياه...
وعليكم السلام ورحمة الله وبركاته.
الحمد لله الامتحانات تمام ربنا يوفقك فى امتحاناتك وشكرا جدا على اهتمامك
دايما بتنورينى وتجملى الموضوع بتعليقك
ومعاكى حق ضياع الدين وصلنا لكل انواع التدنى
الناس عايزه تسمع وتقول وتشوف اى حاجه وخلاص
مش مهم بقى الذوق ولا الادب ولا الكلام ده خلاص.
والملوثات دى اللى اداها تاشيرة الدخول هم الناس لانها لو اترفضت مش هتتكرر انما هى يتكرر وتتعاد لانها بتلاقى نجاح
ارق تحياتى وتمنياتى بالتوفيق ان شاء الله
محاسن صابر....
اهلا باختى الغاليه والله انت منوره والحمد لله ان البوست عجبك
وان شاء الله تفضلى انت وريمان منورين البوج دايما
سلامى وتحياتى
ورده...
منوره بتعليقك وبزيارتك
وبعدين ماهو التنازل لشبابى هو اللى وصلنا للشعبى
التنازل لايؤدى الا الى مزيد من التنازل
والمشكله ان ده وده بوصلونا حتى غصب عننا
اطيب تحياتى
دمت بكل ود
بينكى,.....
ده اللى انا عايز اقوله بالظبط
المشكله مش فى اللى بيغنى المشكله فى نجحوا الغناء ده
وينجح ويملى الدنيا ونسمع احنا بقى فى كل مكان
وكمان تلاقى بتاع وقفتى على اديكى بقى مثال للفن والطرب عند الكثره الوقتى
ربنا يستر من اللى جاى
تحياتى ليكى وان شاء الله تنورينى دايما
محمود ابو العزم....
هى مشكلة جيل فعلا جيل اتدهور ثقافيا
بس موضوع لم بيتفدم حاجه كويسه بيقبلوها وبرده حاجه رديئه بيقبلوها
دى مشكله تانيه فين الرفض وفين الاختيار
معقوله كل اللى يتقدم ينجح؟؟!!!
المهم انك نورتنى بزيارتك وكلامك الكبير
تحياتى ليك
أقدم خالص تحياتي و تقديري
بورك قلمك
معاك حق بجد ولسه كنت في نقاش بسبب الكلام دا بجد
الذوق هو هو لكن فيه كتير بيلوثه وبيلوث الاذن
وحشتني اوي المدونه بجد ووجودي هنا وحشني
اخبارك ايه وعامل ايه في الامتحانات
rhf........
شكرا جدا على تقديرك.. وافتقدنا مرورك
شكرا على تعليقك الانيق ومتابعتك
تحياتى ليكى
دمت بكل خير
كيارا......
اهلا هلا اهلا منوره والله
والمدونه برده افتقدت وجودك
انا الحمد لله تمام شكرا جدا على سؤالك
ويارب تكونى انت كمان يخير
تحياتى ليكى وتمنياتى بالتوفيق
ما شاء الله تبارك الرحمن الى الامام
ادعوك لقراءة ردى على تعليقكم فى موضوعى الاخير"حاجتك غالية عليك"
أنا مش جديدة على المدونة أنا زبنب البحث عن زنوبة لو تفتكرني ...و حقولك حاجة يا نبيل بدل ما نلعن الشوك نزرع ورد ده اللي حقوله ..يعني لازم نقدم البديل
نعم اننا نعيش فى احط العصور
واسال سعد وشعبان ومطربة الحنطور
نبيل اخويا النبيل الطيب الراقى
اخبارك ايه يا رب تكون بافضل حال ويا رب تكون النتيجه تمام
الامتحانات خلصت يبقى ننزل بوست جديد بئه
ولاا رايك انتا ايه
عايزين نستمتع برقى كتاباتك وافكارها الجميله اليى بتدعو للرقى والسمو
ربنا يبارك فيكى يا نبيل
ويحفظك من كل سوء
اللهم امين
انت فييييييين يانبيل
بعتذر لكل اللى اتاخرت عليه فى الرد
حوراء المقدسيه..
اهلا بيكى نورتى المدونه ان شاء الله يستمر التواصل
موناليزا...
قريته وكانت لخبطه غير مقصوده
اهلا بيكى دايما
israa el_sakka
طبعا فاكر البحث عن زنوبه
منوره باى مدونه ومنوره دايما
وفعلا لازم نقدم البديل بس هقولك عشان البديل ده يتولد لازم نرفض السىء
والبديل هيظهر اكيد
لاسع افندى...
منور المدونه وان شاء الله مش اخر زياره
اهلا بيك
محاسن صابر...
اختى الغاليه .
الحمد لله النت رجع اخيرا والامور الى حد كبير رجعت لطبيعتها
والنتيجه لسه اهو مظهرتش
دعواتك
شكرا لاختى الطيبه الجميله على اهتمامها
تحياتى ليكى ويارب تكونى فى احسن حال
كيارا......
انا جييييييت
وشكرا اوى اوى على سؤالك الغالى عنى
إرسال تعليق